Адчыняй варата – Каляда прыйшла!

Каляда — прыгожая старажытная традыцыя беларускага народа. У нашым дзіцячым садзе таксама, па традыцыі, прайшлі Калядкі. Што год гэта свята не толькі прыносіць радасць выхаванцам, але і дае ім магчымасць дакрануцца да традыцый і звычаяў беларускага народа, самім прачуць усё хараство народных святаў і гулянняў.

У беларускай хаце дзеці сустрэліся с гаспадарамi, Казой, Мядзьведзем, спявалі калядкі, гулялі ў беларускія народныя гульнi, чыталі шчадроўкi, частаваліся смачнымі прысмакамі.